შაბათ-კვირა მჯერა ყველასათვის საყვარელი კვირის დღეებია ბავშვობიდანვე, ჯერ იყო და სკოლის რუტინულ ყოფას გვიხალისებდა, მერე უნივერსიტეტის, ახლა სამსახურის ორომტრიალს გავურბივართ და მომავალშიც რაღაც სხვა მიზეზები გამოჩნდება ალბათ… ნუ მართალია დღევანდელმა ცხოვრებამ ისე მოიტანა რომ ძირითადად ყველანი კვირის 7 დღიდან 6 დღე ვმუშაობთ, მაგრამ მაინც საამურია შაბათიც და ნუ კვირა ხომ არის და არის…
მშვენიერი დასვენება გამომივიდა, დამღლელიც, მარტო ფიზიკურად კი არა ემოციურადაც მაგრამ მართლაც მშვენიერი იყო… აი ფილმებიდან არ გახსენდებათ ის მხიარული სცენები ოჯახით რომ შორ გზას მიუყვებიან? ჰოდა ყველაფერი ასე დაიწყო… გავუყევით ძალიან ბედნიერები შორ გზას, მიზეზი ჩემი პატარა ჭინკა გოგოს პირველი წარმატება იყო… ჩავიდა პირველკლასელი ანა-ბანა თბილისში, მიიღო კუთვნილი სიგელ-დიპლომები, დედიკო და მამიკო გაახარა და წამოვიდა უკან ისევ ისეთი მხიარული და ბედნიერი…
აბა რა გითხრათ, სასწაული კი არ მომხდარა, არც ოქსფორდში ჩაუბარებია და არც ჰარვარდში მაგრამ დრო რომ მოვა და მართლაც მოხდეს სასწაული, ერთ დღეს მართლაც რომ შეაღოს მსოფლიოს რომელიმე დიდი და ბებერი უნივესიტეტის კარიბჭე, შეიძლება მაშინაც კი ვერ მივაღწიო სიხარულის და სიამაყის ისეთ პიკს როგორც ეხლა… იმიტომ რომ ახლა სულ პაწაწუნაა, სულ გამოუცდელი და სულ ვარდისფერი ეჩვენება სამყარო. ისე უდარდელად ეჭიდება ყველა საქმეს არც კი უშვებს იმის შესაძებლობას რომ შეიძლება არ გამოუვიდეს, მე ვფიქრობ სწორედ ამიტომაც გამოსდის… გინდათ ყველაზე ეგოისტი დედა მიწოდეთ და გინდათ ყველაზე ნარცისი… ყველაზე კარგი მყავს, ყველას მირჩევნია და მორჩა! 🙂
მერე ისევ და ვუბრუნდი ცხოვრების ჩვეულ რიტმს, ჩამოვედი ბათუმში, აქ კი ნამდვილი გაზაფხულის კვირა დღით დავტკბი… სასიამოვნო სითბო იყო, მზე ანათებდა, ზღვა ლივლივებდა, ხალხი დასეირნობდა და ყვავილები იწონებდნენ ამ კვირა დღეს ყველა მრიდან თავს… ჰოდა მეც გავიხსენე ბავშვობა და გავიჭერი ზღვის სანაპიროზე ჩემი ახალი ველიკით 🙂 მართლაც კარგი იყო, ვერაფერს დავამატებ… უბრალოდ ასეთ მრავალ დღეს გისურვებთ, თბილს და უდარდელს 🙂
საღამოს, როგორც პატარა ნამდვილი საზღვაო ქალაქის მცხოვრებს შეეფერება ისეთი ვახშამიც მოვამზადე და ბოლო აკორდიც ეს იყო…
Bon Appétit…
თქვენ როგორ გაატარეთ მეგობრებო დასვენების საამური დღეები?
როგორ მიყვარს ბედნიერებით გაჟღენთილი ამბების მოსმენა (კითხვაც) 🙂 გისურვებ კვირის ყოველი დღე ასეთი მზიანი გქონოდეს 🙂 p.s. აღფრთოვანებული ვარ შენი კულინარიული შედევრებით 🙂
LikeLiked by 1 person
რა ვიცი, ვცდილობ ბედნიერებები შევქმნა თორემ ისე კი იცი რა ნაცრისფერია ყოველდღიურობა ძირითადად…შედევრები სგან ზალიან შორსა ვართ, მაგრამ გემრიელობა კი იყო 🙂 🙂 სიამოვნებით დაგიწვევდი ახლოს რომ იყო 🙂 ვისაუბრებდით ათას რამეზე 🙂
LikeLike
სიამოვნებით გეწვეოდი:) შენს ჭინკა გოგოსაც გავიცნობდი 🙂
LikeLike
იქნებ მოვახერხოთ კიდეც… მე სიამოვნებით გიმასპინძლებ 🙂 სიამოვნებიიით ❤
LikeLike
შენი ბლოგი ისეთი კარგი და თბილი ადამიანის შთაბეჭდილებას მიტოვებს შენზე და ყოველთვის მათბობს.
რა კარგი გოგო ხარ და კიდევ უფრო საყვარელი გოგონაც გყავს. წარმატებები და ბევრი სიგელები მიეღოს, ძველ და კარგ უნივერსიტეტშიც ესწავლოს და უფრო გაეხარებინოს მშობლები.
ყველაზე მთავარი კი, ბედნიერი და კმაყოფილი იყოს ცხოვრების. ჩემს შვილებსაც ყოველთვის ამას ვუსურვებ. საბოლოოდ, მხოლოდ ოჯახი თუ გააბედნიერებს ადამიანს და არანაირი სხვა ტიტული, თუ დიპლომი.
LikeLiked by 1 person
ძალიან დიდი მადლობა ასეთი შეფასებისთვის და ნდობისთვის ასე ვთქვათ 🙂 მე კიდევ ისე მიყვარს შენი ბლოგი და შენი აზრები რომ რა გითხრა აბა, რა დავამატო…
ოჯახი არის მე ვფიქრობ ის, საითკენაც ყველა ადამიანი გაცნობიერებულად თუ გაუცნობიერებლად მიისწრაფვის… ყველაფერი ოჯახით იწყება და ოჯახითვე მთავრდება… უუუუუდიდეს როლს ვანიჭებ პიროვნების ჩამოყალიბება-განვითარებაში…
ძალიან მინდა ჩემს შვილს იმ სიყვარულის ნხევარი მაინც ვაჩუქო და იმ მზრუნველობისა და სითბოს ნაწილი რასაც მე მჩუქნიდა ჩემი დიდი ტკბილი ოჯახი 🙂
0
LikeLike
ვეროო :* ვისიამოვნე! მშურს შენი. ზღვა ჩემი სტიქიაა და თან ველოთი გაქროლება სანაპიროზეე, უჰჰ :))
LikeLike
აუ აუ აუ.. შარშან ზუსტად ამ დროს ვიყავი ბათუმში. მაშნ ჯერ არ ვიცოდი ველოსიპედის ტარება და ვერ გავრისკე. ახლა, ამ ფოტოებს რომ ვუყურებ, ერთი სული მაქვს როდის წავალ ისევ. არც ზღვა მინდა არც “ზაგარი” მხოლოდ ველობილიკი და შემწვარი თევზი ❤
LikeLike
აჰა, სიამოვნებით გიმასპინძლებდი შემწვარ თევზზე, იმერულ შავ ღვინოზე და ჩემი ველიკითაც გაგართობდიიი :დ მართლაც კარგი იქნებოდა, შენმა მზემ 🙂
LikeLike
Ra sayvareli postia, tbili da Peradi da aseve Madis amzvrelic:) velikati xshirad seirnob?:) Gilocav Sheni shvilikos carmatebebs! Aucileblad miagcevs did carmatebebs***
LikeLike
კი ანო, მიყვარს ველიკით სერნობა, მეც და ჩემი მეუღლეც ძალიან ვხალისობთ მაგ დროს 🙂 მადლობა ❤ ჩემი გოგო ნამდვილად გვახარებს ხოლმე 🙂
LikeLiked by 1 person