რიცხვები

ბავშვობაში დათვლას სანამ ისწავლი მანამდე მაინც იცი რიცხვები, ერთი შენ გეკუთვნის, იცი რომ იმ რიცხვში შენი დაბადების დღეა, სხვებიც იცი, დედიკოს რიცხვი, მამიკოს რიცხვი, და ან ძმა თუ გყავს, ან ორივე, მათი რიცხვებიც იცი და ასე ახლო გარემოში ვინც კი გეძვირფასება იმათიც… მერე დათვლასაც ისწავლი მაგრამ ეგ არაფერია, ეგ ყველამ იცის…pink_hydrangea_flowers_in_vase_table-wallpaper-1600x1200 ის არ ვიცით რომელი ახალი წლის რომელი ჩვეულებრივი დღე გახდება ერთხელაც განსაკუთრებული, სანამ შენს ცხოვრებაში არ შემოუშვებ უცნობ ადამიანებს მათი რიცხვებიანად, ეს შეიძლება იყოს შენი მეორე  ნახევარი, არადა სხვა წლებში მისი დაბადების რიცხვი ერთი ჩვეულებრივი დღე იყო შენთვის, ყველაზე ბედნიერება იცით რა არის? შენ რიცხვს კიდევ ერთი ყველაზე, ყველაზე “შენი” და განსაკუთრებული რიცხვი რომ ემატება, დედა რომ გახდი (ან მამა) ის რიცხვი, ან რომ გახდები… მერე უბრალოდ ვეღარ იხსენებ იმ განცდებს როცა ის რიცხვი კალენდარზე მიწერილი  ჩეულებრივი თარიღი იყო… მერე მეგობრების რიცხვებიცაა, რომ არ იცნობდი და ცხოვრების გზაზე “შემოგიარენ”… ზოგჯერ ბოლომდე გაგყვებიან ალბათ, ხანდახან ვერც… მაგრამ მაინც გახსოვს მათი რიცხვები… სულ ვფიქრობ დილით რომ გაახელ თვალებს და ასეთი ადამიანების რიცხვები პირველივე წამს გახსენდება, ესე იგი ისინი ნამდვილად იყვნენ შენს გულში ან ნამდვილად არიან ახლაც… ხანდახან ისეც ხდება რომ არ იცნობ, არ გინახავს, არც მის სხვა დაბადების დღეებზე ყოფილხარ, წარმოდგენაც არ გაქვს უყვარს თუ არა მისი რიცხვი,  აღნიშნავს თუ არა, რომელი დაბადების დღე ახსოვს ყველაზე ტკბილად ან მისი დაბადების დღის დილას რას გრძნობს ხოლმე, მაგრამ თვალს რომ გაახელ შენ მაინც გახსენდება რომ დღეს მისი დღეა… ესე იგი შენი დღეცაა ცოტათი… Continue reading

Advertisements

შემოდგომის გერმანული ზღაპარი – 2

როცა დღევანდელივით ნაცრისფერი დღეებია, მაშინ მუდამ იმ იშვიათ გამორჩეულ დღეებზე ვფიქრობ როცა ჰაერში ბუმბულივით ვფარფატებდი დადებითი ემოციებისგან…

ვუყურებ ამ ფოტოებს და ვფიქრობ, რამდენი რამაა სანახავი ამ დალოცვილ დედამიწაზე?!

ვერ გაგაოცებთ რომ გითხრათ კიდევ მინდა–თქო, ხომ?! დიახაც, კიდევ მინდა, სხვა ადგილებში, სხვა ქვეყნებში, სხვა კუნჭულებში, სხვა ქუჩებში ვიხეტიალო ისეთ არაჩვეულებრივ მეწყვილეებთან ერთად აქ რომ მყავდა… მინდა ვიხეტიალო და   მოგონებების ხურჯინი პირამდე ავავსო…. ❤IMG_20171102_225124_866IMG_20171102_225153_084IMG_20171102_224533_563IMG_20171102_225308_990IMG_20171103_010941_523 Continue reading

ერთხელ ამერიკაში – LA, HOLLYWOOD

ჩემი ტოლი გოგო-ბიჭებიდან ალბათ ბევრი უყურებდა ყოველგვარი ინტერნეტისა და ონლაინ სივრცის გარეშე ჯადსნურ ყუთში – ტელევიზორში გასულ ამერიკულ ფილმებსა და ანიმაციებს.

PicMonkey Collage.jpg22ლამაზ-ლამაზი ადგილები, ფართო ქუჩები, მდიდრული მანქანები, მწვანე გაზონიანი საყვარელი სახლები, გამოპრანჭული ადამიანები, ან პირიქით თრილერები და ფანტასტიკები საოცარი სპეცეფექტებით, ან კიდევ გულისამაჩუყებელი ისტორიები გაჭირვებულ ადამიანზე რომლებიც წარმატებას აღწევენ, ფილმები რომელსაც ვუყურებდით კიდევ ერთხელ გვახსენდა და გვანახებდა გეოგრაფიის გაკვეთილზე ნასწავლ დედამიწის მეორე მხარეს. ზოგს მოგვწონდა, ზოგსაც არა, ზოგს გვჯეროდა, ზოგსაც არა, მაშინ ამერიკაში წასვლა დაახლოებით მთვარეზე გაფრენას უდრიდა ჩვენნაირი ადამიანებისათვის, ჩვენს ქვეყანას შიოდა, სწყუროდა და სციოდა 90-იანი წლების გარიჟრაჟზე.

PicMonkey Collageბავშვობიდან განსაკუთრებით ორი ქვეყნის ამერიკისა და იტალიის ნახვაზე ვოცნებონდი. ჯერ კიდევ ცოტა ხნის წინ საკმაოდ წარმოუდგენლად მიმაჩნდა რომ ადვილად შევძლებდი ბიუროკრატოული უდაბნოს გავლას და ერთ დღეს ამერიკაში, პირდაპირ კალიფორნიაში, პირდაპირ ჩემი ბავშვობის საყვარელ ფილმებში ნანახ ლამაზ ქუჩებში აღმოვჩნდებოდი. ლოს ანჯელესში დიდების ხეივანზე გავივლიდი, ხუთქიმიანი ვარსკვლავების წინ ფოტოებს გადავიღებდი და საქვეყნოდ ცნობილი მსახიობებისა თუ მომღერლების სახელებს მოვძებნიდი… მართალია მთელი დღე რომ იარო 2000 ვარსკვლავის ნახვას ძნელად თუ მოახერხებ, მაგრამ ქუჩას რომ გახედავ ესეც გაბედნიერებს!

Continue reading

ერთხელ ამერიკაში – R. Reagan Presidential Library

 

20170823_232527

ამერიკის ისტორიაში, მისი როგორც ძლიერი სახელმწიფოს ჩამოყალიბებაში ძალიან ბევრ ადამიანს აქვს წვრილი შეტანილი, რა თქმა უნდა პირველ რიგში პრეზიდენტთა გრძელ სიას უნდა მივაშუროთ. მიუხედავად მათი სიმრავლისა ამერიკელთა გულები აბრაამ ლინკოლნსა და რონალდ რეიგანს აქვს დაპყრობილი, ამ ორ მოღვაწეზე მუდამ დიდი სიყვარულით პატივისცემითა საუბრობს ამერიკელი ხალხი!

აბრაამ ლინკოლნის ყველაზე დიდი მიღწევა კაცობრიობის ისტორიაში ერთ–ერთი შავი ლაქა მონათმფლობელობის გაუქმება და ამერიკის სამოქალაქო ომის დროს კი სამაგალითო ლიდერობაა, მისდამი ასე უსაზღვრო პატივისცემა თითოეული მოქალაქის მხრიდან ნადვილად დამსახურებულია ! Continue reading

ერთხელ ამერიკაში – DOWN TOWN

20170902_055743სან დიეგო ლამაზი სახლებით დასახლებული ქალაქია, სიდიდით მერვე აშშ–ში, თუმცა როგორც ყველა დიდ ქალაქში ცათამბჯენებსა და მაღალ–მაღალ შენობებს ვერსად გაექცევი, ასეთ ადგილად კი დაუნ თაუნი ითვლება, რომელიც ბიზნეს ცენტრი, ტურისტული ზონა, კულტურული ცხოვრების ეპიცენტრი და სპორტული ცხოვრებით გამორჩეული ადგილი ერთდროულად არის,  დაუნთაუნის გასწვრივ  ნაპირზე იახტკლუბია და ასევე USS Midway Museum,  აქვეა მისი სიმბოლო– ქანდაკება მეზღვაურის კოცნა 🙂 უამრავი ტურისტი პირველ რიგში ამ ლამაზი ადგილისკენ მიემართება და სამახსოვრო სურათებს პირველ როგში მოსიყვარულე წყვილის ფონზე იღებს 🙂 პარკში პირდაპირ ბალახზე ისვენებენ და ოკეანის ტალღების ხმით ტკბებიან…

აქვეა ბალბოას ცნობილი პარკი და მსოფლიოში ყველაზე დიდი ზოოპარკი, გულწრფელად რომ გითხრად არასოდეს მიყვარდა ზოოპარკი, პირველად 10 წლის ვიყავი მამამ რომ წაგვიყვანა და ძალიან ცუდი განწყობით წამოვედი. როცა ზოოპარკზე ვფიქრობ ვ. კოტეტიშვილის სიტყვები მახსენდება “ვინ იცის იქნებ ცხოვრებისაგან გაბეზრებული ყვავები რარიგ შენატრან  დღემოკლე პეპლებს”, ნუთუ იქაური სპილო ან თუთიყუში შეედრება ჯუნგლებში მცხოვრებ მათსავე “მოძმეებს” რომლებიც ბუნებრივ გარემოში ცხოვრობენ და მიუხედავად ათასი დაბრკოლებისა, მაინც შესაბამისად არსებობენ! მოკლედ იქ წასვლის სურვილი არც კი გამჩენია! Continue reading

ერთხელ ამერიკაში – LA JOLLA

კალიფორნიაში ერთ–ერთი ყველაზე ძვირადღირებულ უბნად “LA JOLLA” ითვლება, 11 კმ. კეთილმოწყობილი სანაპიროს წყნარი ოკეანის გასწვრივ გამორჩეულად ზღვის ლომები და “La Jolla Cove” ხდის. მართლაც ულამაზესი უბანია, რომელიც არა მარტო ოკეანის მოყვარულთა ადგილი არის,  არამედ ასევე საუნივერსიტეტო უბნადაც ითვლება : University of California San Diego,  Salk InstituteScripps Institution of Oceanography,   Scripps Research Institute,  National University

გულწრფელად რომ გითხრათ ძალიან საყვარლები არიან ზღვის ლომები მაგრამ იმ კონკრეტულ ადგილზე სადაც ბინადრობენ საშინელი სუნია, თოლიების მკვდარი თევზებისა და თავად ლომების ალბათ, მიუხედავად ამისა უამრავი ტურისტი ირევა და ღიმილითა და მხიარულებით შესცქერიან ამ პატარა ზღვის ცხოველებს… Continue reading