დილით 6 საათზე გამეღვიძა… მაგრამ ჯადოსნური აღარაფერი იყო… მოუთმენლობის და სიხარულის განცდებს არ გავუღვიძებივარ, უფრო სევდამ გამაღვიძა, სევდამ იმისა რომ აღარაფერი აღარ იყო ჯადოსნური…
არც საწოლიდან წამოვფრენილვარ და არც სამზარეულოში გავქცეულვარ ჩემი დაბადების დღის ყოველთვის სასწაულად ლამაზი და დიდი ტორტის სანახავად, ჩემი ტორტები რომელსაც დედა ქმნიდა სულ მარწყვისა და ალუბლების იყო, სულ ჩახატული და ისეთი გაჭრა რომ მენანებოდა მუდამ… არც მშობლებს მოულოციათ კოცნებით დილით, არც საჩუქრები დაუხვედრებიათ მაგიდაზე და არც მეზობლებს უმღერიათ სიმღერა… არც მამიდას დაუძახებია პირველი, მუდამ სასურველი საჩუქრების გადმოსაცემად…
არც ქუჩაში მოულოცია ვინმეს ძველებურად, ყველგან რომ მაჩერებდნენ და ყველა რომ მეფერებოდა…
ახლა მარტომ გავიღვიძე…ახლოს არ მყავდა ჩემი სიხარული გოგო… ყველაზე მეტად მისი ჩახუტება დამაკლდა… მერე ჩემმა შოთუნამ მომილოცა მხოლოდ… მერე მაცივრიდან საკუთარი ხელით გამომცხვარი ტორტის მორჩენილი ნაჭერი გამოვაბრძანე რომლის ერთი ლუკმაც არ გამისინჯავს და…მერე სამსახურში წავედი… მერე სამსახურიდან ალბათ სახლში წავალ და ეს დღეც ასე ჩვეულებრივი იქნება…აკი გითხარით, აღარაფერი ჯადოსნური… 
ზუსტად ვიცი რომ ბავშვობის დაბადების დღეები არასოდეს განმეორდება მაგრამ მაშინ როცა ჯერ მხოლოდ 25 წლის ხდები ის ლაღი განცდები მაინც უნდა გქონდეს შერჩენილი ალბათ…
მე კი არაფერს არ ვგრძნობ, ან რასაც ვგრძნობ დიდი ვერაფერი შვილია… თავად განსაჯეთ როგორ უნდა გრძნობდეს ადამიანი დაბადების დღის დილას თავს გუგლის მილოცვა რომ უფრო გაახარებს ვიდრე ზოგიერთი სხვა ადამიანის კულტურული მილოცვა…
მაგრამ მაინც მადლობელი ვარ რომ ეს დილა გამითენდა, 25 წლის ვარ, პირველკლასდამთავრებული ძალიან წარმატებული გოგოს დედიკო ვარ, გვერდით საყვარელი ადამიანი მყავს და იმედი მაქვს რომ მომავალი წლის ეს დღე ცოტათი მაინც გადაიკრავს ჯადოსნურობის ელფერს…
კუშის ბლოგი 
Happy Birthday! 😀 😀
LikeLike
thank’s my dear 🙂
LikeLike
გილოცავ ,
ყოველი დაბადების დღე არის ფიქრი თუ რა ან ვინ მომემატა ასაკთან ერთად ,
ასეთი დიდი გოგო ,
შოთუნა ,
ჯერ მხოლოდ 25 წელი ,
ტორტის ნაჭერი ,საკუთარი ხელით დამცხვარი , ეს ყველაფერი მარწყვის ტორტივით გემრიელია , ბავშვობის გამოყოლილი სევდაც ძალიან ლამაზია ,
ტკბილი ცხოვრება გქონოდეს მუდამ!
LikeLike
ძალიან დიდი მადლობა ასეთი თბილი სიტყვებისთვის და ამ ყველაფრის ასე პოზიტიურად გაშლისთვის 🙂 შენს სულ ტკბილი ცხოვრება გქონოდეს ❤
LikeLike
ყოველი გათენებული დღე და, მითუმეტეს, თუ ეს დღე დაბადების დღეა, უკვე ჯადოსნობაა:) ჯადოსნობაა, რომ მოევლინე ქვეყანას, რომ შეგიძლია უყურო მზის ამოსვლას, ყოველ დილით რაღაც აუხსნელის მოლოდინით გაიღვოძო, გიყვარდეს და უყვარდე:) ყველა ასაკს კი თავისი ხიბლი აქვს, მთავარია ადამიანმა მოიხდინოს 🙂 უამრავ ჯადოსნურ დღეს გისურვებ:) HAPPY HAPPY !!!!!!:)
LikeLike
ალბათ მართალი ხარ მაგრამ დღეს იმდენად სევდიანი ვარ რომ ვერ ვამჩნევ ამ ჯადოსნურობას… უმადური ადამიანი ვარ ალბათ და მიტომაც ვერ ვხედავ … ისე კი მართლაც ზღაპრული დაბი-დუბები მქონდა და იმათ ფონზე განაცრისფერდა ბოლო წლებია, ალბათ ამის ბრალიცაა…
მადლობა კეთილი სურვილებისთვის ჩემო უსახელო მაგრამ ყველაზე კეთილსახელიანო… (სხვათაშორის მეზობლები რომ დავწერე იმათგან ერთი შენი სეხნია იყო, დიდებული ქალი, სამაგალითო და მისაბაძი… ვერასდროს ვერ დავივიწყებ )
LikeLike
გილოცავ ❤
რა ვართ მაინც ეს მაისის გოგოები! :* :*
LikeLiked by 1 person
და მაინც სასწაული გოგოები ❤
LikeLike
გილოცავ ❤ უბრალოდ გაიღიმე და პოზიტივი შემატე შენს დღეს, მაშინ შესაძლოა ყველაფერი უფრო ჯადოსნურად მოგეჩვენოს 🙂
LikeLike
ვცდილობ, ვცდილობ… მადლობა მოლოცვისთვის ❤
LikeLiked by 1 person
ვერა საყვარელო, ჯერ მხოლოდ 25 წლის გახდი და უკვე პირველკლასელი გოგოს დედიკო ხარ. გყავს მოსიყვარულე მეუღლე და გაქვს თბილი ოჯახი. ამაზე მეტ ჯადოსნობას ვერც ინატრებს კაცი. გილოცავ მოგვიანებით დაბადების დღეს და გისურვებ არასოდეს არ მოგკლებოდეს ცხოვრების მანძილზე სასწაულები და ჯადოსნობები !!! ❤
LikeLiked by 1 person
დიდი მადლობა ძვირფასო…. ასეა ნამდვილად მაგრამ ხანდახან მაინც მარტო გრძნობ თავს… ძალიან მარტო….
შენც გისურვებ რომ გაგანებივროს ცხოვრებამ სასწაულებით და სიხარულებით 🙂
LikeLike
უი გილოცავ!
ნამეტანი კი დამაგვიანდა, მაგრამ ჩემ მიერ ბლოგების უსისტემო კითხვადობას ვაბრალებ მე ამას.
ჰოდა, მესმის შენი. ხშირად ისე მეზიზღება ჩემი დაბადების დღე, მეტი რომ არ შეიძლება. და ყველაფერი კარგი, რაც ბავშვობაში იყო, გაქრა სადღაც.
მაგრამ ბოლო 2 დაბადების დღე 27 და 28 ძალიან კარგები იყო. კარგ ადამიანებთან ერთად შევხვდი. ახლა ისე მსიამოვნებს ჩემი ასაკი ❤ მეტი რომ არ შეიძლება! სხვა შეგრძნებები მოაქვს. და იცი რას მივხვდი ვერო, მთავარია შენ როგორ განწყობას შეიქმნი. აი დამიჯერე ეგრეა. წინა იუბილეები ისეთი იდიოტურები იყო, ერთი მეორეზე მიყოლებით. ჰოდა, აი მომავალ დაბადების დღეზეც უნდა აღვნიშნო.
უი, პირველი კლასის მოსწავლე გოგო 25 წლის ასაკში! რა პატარა დაოჯახებულხარ?! მაგრამ მაგასაც აქვს თავის პლუსი, მალე გაიზრდება და შენი თავისთვის მალე მოიცლი.
LikeLiked by 1 person
დიდი მადლობა მოლოცვისათვის ძვირფასო ❤ აი არც მეზიზღება არც მიყვარს ესჩემი დაბი-დუბიდა სწორედ ეს გაუგებრობა მკლავს, მაგრამ იმაში გეთანხმები რომ განწყობა თავად უნდა შევიქმნათ, მე ეს წელს აშკარად ვერ მოვახერხე… ამიტომაც ვიმედოვნებ ასე ჯიუტად რომ მომავალ წელს უკეთესად გამითენდება 🙂
ჰოდა, იმას რაც შეეხება რომ ამხელა გოგოს დედიკო ვარ, ვერ გეტყვი ეგ როგორ მოხდა, მე თავად ვერ ვხდები ხანდახან…. თუმცა მედალს ყოველთვის ორი მხარე აქვს ხომ იცი…
LikeLike
ჰოდა მაგას ვამბობ, ორი მხარე აქვს მედალს. შეგამოწმებ მომდევნო მაისს, მანამდე კი მოიფიქრე თუ როგორი გინდა გქონდეს მომდევნო დაბადების დღე.
LikeLiked by 1 person