აღდგომა იმერეთში…

ქრისტე აღსდგა მეგობრებო! ყველას გილოცავთ და რა უნდა გისურვოთ აბა გარდა სიყვარულისა…

ახლა უნდა მოგიყვეთ როგორ გავატარე წლევანდელი აღდგომა, უფრო სწორად უნდა გაჩვენოთ…ეს სილამაზე ჩემი ესთეტი  დედიკოს ნახელავია, ისეთი ლამაზი იყო მისი სააღდგომო სუფრა, კალათში ჩაწყობილი წითელი კვერცხები, ანგელოზის პაწაწინა ქანდაკებები, ჟელეს წითელი ტორტუნა და საერთოდ ყველაფერი რომ მომინდა თქვენთვსაც გამეზიარებინა 🙂

მუდამ განსახილვევლი და საჭირბოროტო საკითხი, წელსაც ისევ აქტუალური იყო და რა თქმა უნდა წელსაც ძველმა, მაგრამ არასწორმა ტრადიციამ აჯობა და აღდგომასაც საფლავზე გავედით, ისევე როგორც ორშაბათს. ლამის ნახევარი იმერეთი მოვიარეთ,  საოცრად ლამაზი და მრავალფერია ამ დროს  ჩემი საყვარელი მხარე, მარტო მწვანეს ნახავათ იმდენ სახოვანს რომ სულ მოგინდებათ უცქიროთ, მერე  ამ ცქერაში ნელ-ნელა აგერევათ   სად იწყება ერთი და სად მთავრდება მეორე…

ხასხასა ხავსმოკიდებული ხეები და ნორჩი ფოთლებით შემოსილი ბზის ტოტებია ყველგან…

ღობეებზე იასამნები აფეთქებულან და საოცარ სურნელს აფრქვევენ…

ეზოები მწვანე კორდი ყვითელი ყვავილებითაა გადაპენტილი…

სოფლის ორღობეებში ეკალას მოწითალო დახვეული ღეროები იპრანჭებიან…

დაფნის ხეებზე ახალი ფოთლები იბადებიან…

ყველას გისურვებთ რომ თქვენს გულებში მუდამ გაზაფხულობდეს!