“სიყვარული ეს ყველაფერია რაც გჭირდება”

ყველა ადამიანს აქვს საკუთარი ოცნება, საკუთარი სიხარული და საკუთარი ტკივილი… ყველა ადამიანს აქვს საკუთარი ცხოვრებისეული პრიორიტეტები, რომლებიც ზოგჯერ ძალიან განსხვავდებიან, ყველა ადამიანს აქვს ცხოვრებაში რთული პერიოდი და აქვს ამ პერიოდიდან გამოსვლის მუდმივი იმედი…ყველა ადამიანს აქვს უფლება უყვარდეს… ყველა დამიანს სადღაც ვიღაც რაღაცნაირი ყოველთვის უყვარს…

“სიყვარული ეს ყველაფერია რაც გჭირდება” … ფილმი რთული ცხოვრებისეული პრობლემებით, იტალიური ბოჰემით, ლამაზი ხედებით, ჭრელი ურთიერთობებითა და სიყვარულით… მარადიული სიყვარულით, სულერთია ის რა ასაკში გეწვევათ ახალგაზრდობის თავნება და ჯიუტ ხანაში თუ მოწიფულობის შემოდგომისეულ ბარაქიან და გამოცდილ დროებაში…. სულერთია რა დროს შემოგანათებთ… მთავარია გაგათბობთ…  ცოტათი ბანალური სიუჟეტი ნუ აღგაშფოთებთ, მარტივად შეხედეთ ცხოვრება მართლაც ძალიან ბანალურია…. შესანიშნავი მსახიობები ნამდვილ სიამოვნებას მოგანიჭებენ… ჯადოსნური იტალიური ჰანგები და იტალიური ვილა ზღვაზე… უბრალოდ შეიგრძენით…

მე უსათუოთ, უსათუოდ წავალ ოდესმე იტალიაში…წავიყვან ჩემს ქართველ ფილიპს, რომელსაც ვუყვარვარ ჩემი ტკივილით და მე ის ამის გამო 2–ჯერ კი არა 100–ჯერ უფრო მეტად მიყვარს, მოვძებნი ვილას ლიმონით დახუნძლული ხეებით და მისი აივნიდან დავტკბები ხმელთაშუა ზღვის ლიცლიცით….

მანამდე ისევე როგორც მე, თქვენც ისიამოვნეთ ამ წარმტაცი სანახაობით…მოიდგით გვერდით ნამდვილი ჭიქა წითელი ღვინო, უყურეთ ფილმს და კიდევ ერთხელ წაიკითხეთ ეს სტრიქონები… თქვენს აზრს ველი…

 

P.S. ვინც ამ ფილმით ისიამოვნებთ დარწმუნებული ვარ არანაკლებ მოგნუსხავთ იტალიური გარემო ფილმებში: “Under the Tuscan Sun” (2003) ” A Good Year” (2006) “Letters to Juliet” (2010) … ან იქნებ თქვენ იცით კიდევ?